ILOILO CITY- Naga-ugyon kag bug-os gid ang suporta sang mga opisyal kag residente sang Barangay Boulevard, Molo, Iloilo City agud mabuligan ang tribu nga nagatiglawas sa ila barangay sa Dinagyang Festival 2024.
Sa interview sang Bombo Radyo kay Punong Barangay John Villanueva, iya ginpahayag nga nagsapol sila kaupod ang leader sang Tribu Ibata sa Paghili-ugyon agud mahatagan sang bulig ang ila tribu sa Sadsad sa Calle Real competition.
Suno kay Villanueva, paagi sa paghatag sang pamahaw sa tribu sa tagsa ka practice, isa na ka dako nga butang ini para mas maganahan sila nga mas mangin maayo pa ang ila ipakita nga performance.
Nahibaluan nga ini na ang ikaduha nga tion nga nagpasakop ang Tribu Ibata sa Paghili-ugyon sa Dinagyang Festival.
