Naobserbahan na ang phenomenon nga ginatawag nga “saot sang duwa ka bagyo” ukon Fujiwhara Effect, kun sa diin nagabutungay kag naga-interact ang duha ka bagyo nga yara sa sulod sang Philippine Area of Responsibility (PAR).
Suno sa mga meteorologist, ang bagyo nga Emong indi pa makagwa sa PAR bangud sa pagbutong ukon interaction sini kay bagyo Dante.
Possible nga magatenir pa si Emong sa West Philippine Sea sa sulod sang pila ka adlaw samtang may posibilidad nga lagson pa niya si Dante padulong sa Ilocos Region sa Byerner kag sa Extreme Northern Luzon subong nga weekend.
Bangud sini nga pag-uyat sang duwa ka bagyo, ginpahibalo sang PAGASA nga posible ang mabaskog nga pag-ulan sa madamo nga parte sang Luzon ang ginapabaskog pa gid sang Habagat (Southwest Monsoon) nga ginabatak sang duwa ka bagyo.
Ginaengganyo ang publiko nga magmonitor sa mga balita kag advisory halin sa PAGASA kag mangin handa sa mga posible nga pagbaha ukon landslide sa mga delikado nga lugar.
