Ginpagwa na ni Iloilo City Mayor Jerry Treñas ang executive order No. 55 nga nagapalawig sang Modified Enhanced Community Quarantine (MECQ) sa syudad sang Iloilo tubtob sa Hulyo 15.
May pila ka probisyon nga wala gihapon nagasanto sa omnibus guidelines sang National Inter-Agency Task Force (NIATF) apang suno kay Treñas, magasapol pa siya kay Department of Interior and Local Government (DILG) undersecretary Epimaco Densing kaangot diri.
Suno sa alkalde, ginpagwa lang niya anay ini nga EO kag i-amyendar lang kun may yara sang kinahanglanon nga dapat tadlungon.
Ang importante subong suno sa alkalde amo nga mabuligan ang iban nga sektor nga haluson na makaginhawa bangud sa istrikto nga mga pagsulundan.
Yari ang salient points nga dapat tandaan sa EO 55;
- Ginapatuman ang curfew halin 11:00 sa gab-i tubtob 4:00 sa kaagahon
- Exempted sa curfew ang nagatrabaho sa warehouses, media, food manufacturing, kag iban pa nga kaangay nga negosyo kag trabaho nga naga-require sa mga tawo nga magpauli nga lapaw sa curfew hours.
- Tanan nga indibidwal nga ginakabig close contact sang COVID-19 positive person ang dapat nga i-subject sa istrikto nga 14 ka adlaw nga quarantine.
Kun negatibo ang resulta sang test, kumpletuhon gihapon ang 14-day quarantine.
Kun positibo ang resulta, kumpletuhon ang 14-day quarantine kag kinahanglan nga i-reswab sa ika-14 nga adlaw sang quarantine.
Sa interview sang Bombo Radyo kay Treñas, iya ginpahayag nga ginapahanugutan ang home quarantine kag facility quarantine.
Mandated ang mga barangay officials, Barangay Health Emergency Response Teams, kag pulis nga magbantay sang maayo sa mga naka-home quarantine.
Sa bahin naman sang alcoholic drinks..
- Mahimo na nga maka-inom sang makahulubog nga ilimnon sa pampubliko nga lugar effective immediately UNLESS OTHERWISE extended or lifted earlier.
- 4:00 sa kaagahon tubtob 6:00 sa gab-i ang pagbaligya kag pagkonsumo sang makahulubog nga ilimnon
- Kun naka-lockdown ang barangay, WALA SANG BALIGYAANAY KAG WALA SANG CONSUMPTION sang makahulubog nga ilimnon. (ILOILO CITY 2)
Sa mga capacities…
- Sa Take-out kag delivery sang pagkaon, full capacity
- Outdoor dine-in services ukon Al Fresco – mahimo mapasaka sa maximum seating capacity nga 50%
- Ang indoor dine-in services ang pahanugutan nga maka-operate sa 10% seating capacity
Sa mga operasyon…
30% nga seating capacity ang ginapahanugutan sa operasyon sang beauty parlors, barbershops, kag nail spas (santo sa DTI Memorandum Circular No. 21-15 series of 2021)
10% seating capacity sa:
- indoor sports courts ukon venues para sa non-contact sports, scrimmages, games, or activities
- indoor sports courts or venues para sa non-contact sports, fitness studios, gyms, spas, kag iban pa nga indoor leisure centers ukon facilities
- iban pa nga personal care services nga nagalakip sang make-up salons, medical aesthetic clinics, cosmetic ukon derma clinics, kag iban pa nga kaangay nga establisemento…
