Gin-athag ni Department of Health (DOH) Officer-in-Charge Maria Rosario Vergeire nga “highly encouraged” sa gihapon ang pagsuksok sang face mask para sa senior citizens kag immunocompromised individuals.
Kasunod ini sang rekomendasyon sang Inter-Agency Task Force for the Management of Emerging Infectious Diseases (IATF-MEID) nga himuon nga optional ang pagsuksok sang face masks outdoors.
Suno kay Vergeire, ang pag-lift sang mandatory mask mandate ang umpisahan sa last quarter sang 2022, sa kondisyon nga may yara sang improvement sang COVID-19 booster coverage sa Pilipinas.
Amat-amat lang ang paghimo sini suno kay Vergeire agud masigurado sa gihapon nga maprotektahan ang publiko batok sa Covid-19.
Plano man sang Department of Health nga magpatuman sang voluntary face mask mandate sa pili nga mga lugar sa Pilipinas nga may low-risk individuals kag amo man sa low-risk settings.
Ang low-risk individuals ang ginalakipan sang healthy adults, samtang ang low-risk settings naman ang nagalakip sang open spaces, indi magutok nga areas, kag well-ventilated spots.##
