Gingamit ni Senator-Judge Robin Padilla ang iya tion sa pagpamangkot sa impeachment trial ni Vice President Sara Duterte agud kwestyunon ang kredibilidad sang isa ka testigo sang National Bureau of Investigation (NBI) kag mabuksan liwat ang isyu sang ginatawag nga “Operation Romanov.”
Ang ikaduha nga witness sang prosekusyon nga ginpisa-pisa sang pamangkot sa ikaduha nga semana sang trial amo si NBI Bangsamoro Regional Director Atty. Jeremy Lotoc.
Siya ang nangin pinuno sang Cybercrime Division kag nagpanguna sa imbestigasyon sa pahayag ni Duterte nga pananglitan may matabo sa iya, may nakontrata na siya nga tawo agud nga patyon man ang president, ang first lady, kag ang first lady.
Ginpamangkot ni Padilla si Lotoc may kaangtanan sa reklamo nga ginpasaka anay batok sa iya sa Office of the Ombudsman. Apang suno kay Lotoc, wala nagpadayon ang reklamo matapos matukiban nga peke ang notarization sang dokumento.
Dugang pa niya, normal lamang nga makasuhan ang mga NBI agent kag iban pa nga law enforcement officers bangud kabahin ini sang ila trabaho sa pagpatuman sang kasuguan.
“Normal sa mga NBI agents na makasuhan. In fact, maging sa sinumang law enforcement agency, that’s the price we pay for doing our job and for protecting the country,” suno kay Lotoc.
“In the NBI, we avoid the noise. We just finish the job,” dugang sini.
Nagbalhin dayon ang pamangkot ni Padilla sa kontrobersiyal nga “Operation Romanov” ukon ang ginaalegar sang kampo ni Duterte nga assassination plot batok sa vice president.
Suno kay Padilla, dapat tan-awon ang pahayag ni Mayor Baste Duterte sa makasaysayan kag politikal nga konteksto, bangud ang Romanov nga reference may kaangtanan sa Russian Revolution kag sa padayon nga tindog sang pamilya Duterte batok sa komunismo.
“Nabanggit niyo kanina sa usapan ninyo si Baste. Sinasabi niyo kasi kanina na yung Romanov, hindi na ipapaliwanag kung ano ba ang ugat nun. Napakahalaga na alam natin yung ugat. Si Presidente Marcos Sr. ang lumaban sa komunista, kaya nagkaroon ng threat noong 1986,” suno kay Padilla.
“Ngayon, sinasabi ni Baste na nagkakaroon ng banta sa kanilang pamilya, sapagkat alam naman nating lahat na ang nagpatuloy ng paglaban sa komunista pagkatapos ni Pangulong Rodrigo Roa Duterte ay si Inday Sara Duterte, ang ating Vice President,” dugang sini.
Sa tunga sang iya pagpamangkot, nagpahayag man si Padilla sang iya personal nga panindugan kag nagsiling sa impeachment court nga isa siya ka komunista.
“Komunista po ako ha. Gusto ko lamang pong alamin ninyo,” dugang sini sa impeachment court.
Sang pamangkuton naman niya si Lotoc may kaangtanan sa ginasaad nga mga pagpamahog batok kay Duterte, nagsabat ang opisyal nga padayon nga ginamonitor sang NBI ang intelligence reports may kaangtanan sa seguridad sang Bise Presidente. Suno pa sa iya, mas angay nga magkomento sa amo nga isyu si NBI Director Melvin Matibag nga ginapaabot magtestigo sa impeachment court sa masunod nga semana.#
