ILOILO CITY – Nagsugod na ang releasing sang calamity loan sang Social Security System para sa mga naapektuhan sang COVID-19 pandemic.
Sa interview sang Bombo Radyo kay SSS Acting Senior Communications Analyst Amiel Genova, iya ginpahayag nga sang Hunyo 15 pa sang nag-umpisa ang pagbaton sang application online kag ini ang magalawig tubtub sa Setyembre 14.
Suno kay Genova, P20,000 ang maximum loan nga mahimo mabenepisyo sang isa ka SSS member nga may yara sang atleast 36 months contribution.
Ang paghatag sang kantidad suno sa natungdan ang ipaagi sa ATM account ukon sa cheque.
Ginpahayag ni Genova nga indi kwalipikado ang mga may yara sang existing calamity loan kag loan restructuring program.
