‘Insufficient’ para kay Mamamayang Liberal Party-list Representative Leila de Lima ang first ground sang verified impeachment complaint batok kay Presidente Ferdinand Marcos Jr. nga gin-file ni Atty. Andre de Jesus kag gin-endorso ni Pusong Pinoy Party-list Rep. Jett Nisay.
Partikular nga gintumod ni De Lima ang ‘supporting factual allegation’ may kaangtanan sa ginaalegar nga pag-kidnap kag pag-surrender kay anay Presidente Rodrigo Duterte sa International Criminal Court.
Ginhimo sang mamalidha ang pahayag kasunod sang ginpatigayun nga deliberasyon sang House Committee on Justice sa “sufficiency on substance” sang una nga impeachment complaint batok sa Presidente subong nga adlaw sang Martes, Pebrero 3.
Ini nagakahulugan nga ang bahin sang nasambit nga impeachment complaint batok kay Marcos ang kulang sa ebidensya agud nga ipadayon ang nasambit nga impeachment.
