ILOILO CITY- Ginakabig ni Iloilo 5th District Representative Raul Buboy Tupas nga tuman ka sagrado ang kasal rason nga nagboto ini nga indi pabor sa pagpasar sang Absolute Divorce Bill sa third and final reading sa kamara.
Sa interview sang Bombo Radyo kay Rep. Tupas, iya ginpahayag nga ang kasal indi lamang isa ka kontrata kundi isa ka covenant.
Suno kay Tupas, sa baylo nga divorce, may iban man nga alternatibo ang mag-asawa kaangay sang legal separation kag annulment.
Dugang niya, ang iya panindugan tuhoy sa amo nga hagna ang wala nagbag-o humalin sang ginduso man ini sang 17th congress.
Si Tupas ang nagaisahanon nga kongresista sa Iloilo nga nagboto nga indi pabor sa amo nga hagna.
