ILOILO CITY – Personal nga ginpamunuan ni Iloilo City Police Office (ICPO) Director Police Col. Eric Dampal ang deployment sang mga kapulisan ilabi na sa mga matawo nga lugar sa syudad.
Sa interview sang Bombo Radyo kay Dampal, iya ginpahayag nga ginpahanumdom na niya ang mga station commanders nga mag-deploy sang opisyal sa mga areas of convergence sa syudad.
Dugang pa sang director, pati ang mga patrol sa headquarter sang ICPO ang ginpa-gwa niya lakip na ang iya salakyan agud nga maglibot sa syudad para makabulig sa crime prevention.
Sa bahin naman sang kagamitan, may yara sang radio equipment ang mga pulis.
Sa salakyan naman, indi tanan sa ila ang may salakyan suno kay Dampal, apang gina-maximize sang pamunuan ang ila available resources.
Apisar sang deployment, may yara sa gihapon sang mga nagakalatabo nga snatching kag shooting incident sa syudad.
Kaangot diri, ginahingyo ni Dampal ang mga pumuluyo nga buligan ang kapulisan kag gilayon nga ireport sa ila ang sitwasyon sa lugar.
Aminado si Dampal nga kulang ang ila numero ipaanggid sa populasyon sang siyudad.
Sa pihak sini, ginpasiguro sang natungdan nga handa sila nga padayunon ang pagtrabaho para sa seguridad sang mga pumuluyo.
