ILOILO CITY – Ginkakibot sang bilog nga New Zealand ang pag-anunsiyo ni Prime Minister Jacinda Ardern nga pagkatapos sang lima ka tuig kag tunga, maga-resign na ini sa masunod nga bulan.
Ini ang gin-anunsiyo ni Ardern sa ginpatigayon nga pagsinapol upod ang mga myembro sang Labour Party.
Sa Pebrero 7, mangin epektibo na ang iya nga resignation.
Suno kay Bombo Tess Peeters direkta sa Auckland, New Zeland, personal ang nangin rason sang prime minister sa pagpanaog sa pwesto.
Sa Enero 22, ang iya party ang magasapol kag maga-elect sang bag-o nga prime minister.
Apang, magapabilin ini sa gihapon nga electorate member of the parliament tubtob sa masunod nga general election nga hiwaton sa Oktubre 14.
Suno pa kay Peeters, matapos ang kadalag-an sang Labour party sang nagligad nga election, amat-amat nga naganubo ang trust ratings sang grupo kag mangin ang personal nga popularidad ni Ardern.
Posible suno kay Peeters nga nagpanaog na lamang sa pwesto si Ardern sa paglaum nga sa masunod nga lider sang ila grupo, madaog nila ang election.
