ILOILO CITY – Maga-file ang More Electric and Power Corporation sang motion nga maga-implementar sang writ of posession bangud may yara na sang temporary restraining order nga gin isyu sang Supreme Court en banc.
Sa interview sang Bombo Radyo kay Atty Hector Teodosio, legal counsel sang More Electric and Power Corporation, iya ginpahayag nga unanimous ang desisyon sang korte suprema sa pag-isyu sang supreme court en banc sang Temporary Restraining Order sa nasambit nga kompaniya sa diin wala sang kinamatarong ang Panay Electric Company nga punggan pa ang More Power.
Suno kay Teodosio, sang Agosto 2019 nag appeal ang MORE Power sa korte suprema batuk sa desisyon sang Mandaluyong Regional Trial Court sa diin nag apply ang kompaniya sang Temporary Restraining Oder nga indi mahimo gamiton sang PECO ang desisyon sang Mandaluyong Regional Trial Court bangud indi ini pinal kag indi man executory.
Samtang pahayag dugang ni Teodosio, ginabuyagyag sang PECO kag ginapalapta ang desisyon sang Mandaluyong regional trial court nga may yara sang permanent injunction.
Naghingyo ang MORE Power sa korte suprema nga resolbahon kag kaptan subong ang kaso sa en banc.
Indi man maathag ang resolution sang Agosto sa diin gin-deny ang Temporary Restraining Order sa diin isa lamang ka desisyon ang nagkapot nga amo ang 2nd division nga ginabug-osan sang apat ka mga hukom.
Bangud sini, naghimo sang tikang ang MORE Power agud nga dal-on sa supreme court en banc ang desisyon sang korte sa diin tanan nga myembro sang korte suprema ang magapungko.
Nag-file liwat ang MORE Power sang urgent motion sang issuance sang temporary restraining order apisar wala sang permanent injuction.
Ang temporary restraining order suno kay Teodosio nga gin isyu sang korte suprema ang indi mahimo gamiton sang PECO nga argumento ang desisyon sang Mandaluyong regional trial court nga may yara sang permanent injuction bilang pagpamahog sa regional trial court sa Iloilo.
