Nagbilin sang palamangkutanon sa paminsaron sang netizens ang makahulugan nga Facebook post ni Senator Robinhood Padilla kaangot sa “Tarat.”
Ginbutang sang senador ang picture sang amo nga pispis kag may caption nga:
“May isang Tarat na dati ay nahawla, ayaw na pakawalan ng umangkin sa kanya pero dahil may mga nakiusap para mapalaya ang tarat na ito, muli siyang nakabalik sa kanyang pugad. Kakaiba ang tarat na ito hindi na nga nagpasalamat, ngayon umaawit pa sa napakapangit na tono.”
Sandig sa Department of Environment and Natural Resources (DENR)-Central Luzon, kilala man ang Tarat bilang “Brown Shrike.”
Isa ini ka migratory bird nga nagaabot sa Pilipinas kada Septyembre kag nagahalin pag-abot sang Mayo. Makit-an ini sa pila ka areas sang Luzon ilabi na sa migratory corridor sa rehiyon.
Suno pa sa DENR, kun basehan ang panalawsaw, ang tinaga nga “taratitat” nga nagapatuhoy sa tawo nga wakalan ang naghalin man sa pangalan nga Tarat.
“Sen Robin Padilla sino po ba yang Tarat Tado na yan sentonado ang Awit,” comment sang isa ka follower.
“At kahit bali-baliktarin mo sya ay tarat pa rin,” dugang sang isa.
“Saan mo dinala si Bato?,” kabahin naman sang top comments — nga nagapatuhoy sa ginaalegar pag-upod ni Padilla kay Dela Rosa sang nagpalagyo ini sa Senado sang Huwebes sang kaagahon.
