Present si Senator Robinhood Padilla sa pag-convene sang Senado bilang impeachment court para sa trial batok kay Vice President Sara Duterte.
Nakit-an nga nagalakat-lakat si Padilla sa plenary hall samtang nga ginalawag isa-isa ang pangalan sang mga senador kahapon sang hapon, Mayo 18.
Ini ang una nga tion nga nagpakita si Padilla sa publiko halin sang natabo ang tiniruhay sa Senado sang Myerkules sang gab-i, kag halin sang ginkumpirma ni suspended Senate Sergeant-at-Arms Roberto “Mao” Aplasca nga si Padilla ang upod ni Senator Ronald “Bato” Dela Rosa sang nagbiya ini sa Senado.
Matandaan nga gin-tag sang National Bureau of Investigation (NBI) si Padilla bilang isa sa persons of interest sa pagpalagyo ni Dela Rosa.
Sang Byernes, nauna naman nga gin-anunsyo ni Ombudsman Jesus Crispin “Boying” Remulla nga imbestigaran nila si Padilla bangud sa amo man nga isyu.
Pahayag naman ni Padilla, wala man siya sang mahimo kun tawgon siya nga person of interest.
Nagpahayag man ini nga hulaton na lamang ang imbestigasyon, apang ang ginklaro sini amo nga indi matuod ang impormasyon nga nakit-an sila ni Dela Rosa nga magkaupod sa Ninoy Aquino International Airport.
“Hintayin na lang natin yung investigation,” sabat sini sa reporters.
Sang ginpamangkot kun diin na si Dela Rosa, nagsabat si Padilla: “‘Yan ang mahirap sagutin.”#
