ILOILO CITY – Napaslawan ang Russia nga makabalik sa top human rights body sang United Nations.
Sa ginpatigayon nga General Assembly, nakakuha sang 83 votes ang Russia samtang 160 ang nakuha sang Bulgaria kag 123 ang nakuha sang Albania nga amo ang nagkontrahanay para sa duha ka seats sa Geneva-based Human Rights Council.
Suno kay United Nations director at Human Rights Watch Louis Charbonneau, nagapakita lamang ini nga strong signal sa lider sang Russia nagikan sa member states nga ang ila nga gobyerno ang responsable sa indi maisip nga war crimes kag krimen batuk sa katawhan.
Ang Russia ang ginsipa sa council 18 ka bulan ang nakaligad kasunod sang United States-led diplomatic push bangud sang pagsalakay sini sa Ukraine sang Pebrero 2022.
