Gin-akusaran ni Russian President Vladimir Putin ang Ukraine nga responsable sa maduguon nga drone attack sa isa ka dormitoryo sang mga estudyante sa Starobilsk, Ukraine nga kontrolado kag ginapanag-iiyahan sang Russia.
Suno sa Russia, anom ka tawo ang napatay, madamo ang napilasan, kag may yara pa sang 15 ka mga indibidwal nga wala pa makita lakip na ang mga kabataan kag teenagers.
Nagpahayag si Putin nga wala sang military target nga malapit sa dormitoryo gani nagmando ini sa militar sang Russia nga magpreparar sang posible nga balos batok sa Ukraine.
Ginpanginwala naman sang Ukraine nga sibilyan ang akusasyon kag nagpahayag nga isa ka elite drone command unit sang Russia ang ila gin-atake samtang nagsunod sila sa international humanitarian law.
Suno sa mga opisyal sang Russia, may 86 ka teenagers ang nagaestar sa dormitoryo sang matabo ang pag-atake.
Gintawag sang Kremlin nga isa ka “makahaladlok nga krimen” ang insidente kag nagpahayag nga magapatigayon sang emergency session ang United Nations Security Council para talakayon ang natabo.
