SARA, ILOILO – Ginakabig sang Sara Municipal Police Station nga legal ang checkpoint nga ginapatigayon sang barangay officials sang Aposaga, Sara, Iloilo.
Sa interview sang Bombo Radyo kay Police Captain Asencion Ortizo, hepe sang Sara PNP, iya ginpahayag nga kabahin lamang sang safety measure ang ginapatigayon sang nasambit nga barangay bangud mainit ang eleksyon sa nasambit nga banwa.
Suno kay Ortizo, ang importante lamang nga wala sang harassment nga nagakatabo.
Ginpasigurado lamang sang hepe sa mga opisyal sang barangay nga indi pag gamiton ang checkpoint sa pamulitika.
Una na nga ginreklamo sang pamilya Salcedo ang Brgy. Aposaga sa pagpatigayon sang checkpoint sa lugar sa pagpanguna ni Punong Barangay Juvy Bornales.
Gintinguhaan man sang Bombo Radyo nga makuha ang pahayag sang mga Salcedo apang nagpamalibad ini nga maghatag na sang statement bangud mahimo nga mas maglala pa ang sitwasyon.
