Nadakpan sang otoridad ang isa ka municipal councilor sa Datu Salibo sa Maguindanao del Sur nga ginatudlo nga utok sa likod sang pagpamomba ng nangin kabangdanan sang kamatayon sang duwa ka barangay official amo nga banwa kag pagkapilas sang walo pa gid ka mga biktima.
Ang arestado amo si Allan Tahir Ganoy, 44-anyos, municipal councilor sang Datu Salibo.
Ini ang may ginapangatubang nga kaso nga murder kag frustrated murder kaangot sa pagpalupok sang isa ka IED sa kilid sang highway sa Datu Salibo nga nangin rason sang kamatayon sang chairman sang Barangay Pendeten, Salibo nga si Datu Manaot Silongan kag barangay councilor nga si Salik Katua.
Ginapahayag nga magkaaway sanday Silongan kag ang SB Member.
