Tuman ang nangin pagpasalamat ni Sen. Bongbong Marcos sa mga frontliners ilabi na sa mga health workers nga amo ang nagapanguna sa away batok sa Covid-19 matapos nga sya mismo ang nagpositibo sa nasambit nga virus.
Suno kay Marcos, sya mismo ang makapamatuod kun ano ka bug-at ang katungdanan sang mga healthcare workers gani nagakadapat lang sila pasalamatan kag hatagan sang pasidungog.
Dugang pa sang senador, nagakadapat man nga ihatag ang tanan nila nga kinahanglanon bangud magluwas sa pagsunod sa ila mga panugyan ini lang ang paagi agud makabulig kita sa ila.
Santo man sa pahayag sang natungdan, utang man niya ang iya kabuhi sa mga healthcare workers gani ginatinghuaan gid niya nga makapalab-ot sang anuman nga sahi sang bulig.
Nagpanugyan man si Marcos sa mga nagapalapta sang sala nga impormasyon nga untatan na ini bangud wala ini sang mahatag nga kaayuhan kag makatuga lang sang pagpanic sa publiko.
