Nagpagwa sang panibag-o nga kritisismo si Senador Alan Peter Cayetano batok sa pila ka miyembro sang bag-o nga Senate majority matapos sini gin-akusaran nga mga naga-sunod-sunod lamang ini sa Malacañang.
Sa iya Facebook Live, ginpangalanan ni Cayetano sanday Senate Pro-Tempore Vicente “Tito” Sotto III kag Senador Raffy Tulfo bilang mga naga- sunod-sunod kay President Ferdinand Marcos Jr.
Suno man sa iya, si Senador Erwin Tulfo amo naman ang tutoy ni Lacson.
Sa pihak nga bahin, nagpagwa naman sang pahayag si Senador Tito Sotto III nga indi na dapat pag-uyangan sang tion ang mga pahayag ni Cayetano.
Suno pa kay Sotto, tyempo na agud indi pagsakyan ang mga mala-telenovela nga estorya nga ginapahayg ni Cayetano nga wala man sing padulungan.
Madumduman nga makapila na ka beses nga ginpabutyag ni Cayetano nga may yara sang papel ang Malacañang sa pagbag-o sang liderato sang Senado.
Sang Hunyo 8, nagsiling si Cayetano nga natunga sa duha ka grupo ang Senado, kag ang isa sini suportado sang Palasyo.
Nagpanugyan man ini sang isa ka “interim administrative arrangement” upod kay Senador Sherwin Gatchalian, apang ini ginbalibaran ni Gatchalian.
Si Gatchalian ang napili bilang Senate President Pro Tempore sang Hunyo 3 matapos ang pagtililipon sang mga senador nga anay kabahin sang minority bloc.
Sang Hunyo 17, pormal ini nga napilian bilang bag-o nga Senate President tal-os kay Cayetano, nga nagtapos sa mga kontrobersiya sa liderato sang Senado.
