ILOILO CITY – Ginpahayag ni Senator Imee Marcos nga nagakadapat nga dal-on na pauli sang gobyerno ang mga Pilipino nga apektado sang kinagamo sa Sudan kadungan sang 72 oras nga ceasefire sang duha ka magka-away nga faction.
Suno kay Marcos, ang mga Pilipino ang dapat nga i-repatriate na sa labing madali nga panahon.
Pahayag sang presidential sister, ang 400 ka mga Pilipino sa Sudan ang nagahimo sang pamaagi agud nga makasalbar kag makapalagyo nagikan sa kinagamo.
Suno naman sa Department of Migrant Workers, ang gobeyrno sang Pilipinas ang magahatag sang masobra sa P10, 000 nga financial assistance sa tanan nga overseas Filipinos sa Sudan nga magatabok sa border agud nga magpalagyo.
Suno sa Department of Foreign Affairs, indi magnubo sa 50 ka mga Pilipino ang gin-evacuate samtang masobra sa 300 ang naga-request nga i-repatriate.
Ginatinguha-an sang gobyerno nga mapangitaan sang temporaryo nga trabaho sa Saudi Arabia ang mga apektado nga Pilipino.
