Gintawag sang Makati Medical Center nga iresponsable si Sen. Koko Pimentel bangud sa ginapahayag paglapas niya sa home quarantine sang isa ka Person Under Investigation sa Coronavirus Disease 2019.
Nahibaluan nga si Pimentel ang ika-duha na nga senador nga nagpositibo sa COVID-19 sa Pilipinas sa diin una na diri si Sen. Juan Miguel Zubiri.
Suno kay Makati Medical Center Medical Director Dr. Saturnino Javier indi na isyu kun kagab-i pa nahibaluan ni Pimentel ang kumpirmasyon nga infected siya sang COVID-19 bangud nagakadapat kun tani nga magpabili siya sa quarantine area sang isa ka PUI.
Ginapahayag nga ginabanta sa walo ka tawo ang naka close contact sang senador sang nagpadulong siya sa nasambit nga ospital.
Gin-athag naman sang kampo sang senador nga wala siya nagsulod sa delivery area sang MMC.
Suno sa asawa ni Pimentel nga si Kathryna Yu-Pimentel indi matuod nga nahibaluan na sang iya bana nga positibo siya sa COVID-19 sang nagpadulong sila sa ospital.
Natiempuhan lang suno sa iya nga gin-updan siya sang iya nga bana para sa iya nga schedule kun tani sang iya pagbun-ag apang wala man nadayon bangud kinahanglan man niya nga magpaidalom sa COVID-19 test.
