Nagpanawagan si Senador Panfilo “Ping” Lacson sa Impeachment Court nga laygayan ang prosecution kag defense panel nga indi anay magkomento sa publiko nahanungod sa merito sang impeachment case batok kay Vice President Sara Duterte.
Sa iya post sang Senador sa iya nga Twitter, ginapahayag sini ang ka- importansya sang pagpreserbar sang integridad sang trial, bangud may ara ini sang separado nga trial sa korte kag opinyon sang publiko antes paman magsugod ang pormal nga impeachment trial sa Hulyo 6.
Gin-athag man ni Lacson nga ang iya pahanumdom natuhoy lamang sa pagkomento sa merito sang kaso kag indi sa proseso ukon iban pa nga impormasyon nga mahimo mahibaluan sang publiko.
Nahibaluan nga natapos na kahapon nga adlaw, Hunyo 25 ang closed-door pre-trial conference.
Suno kay Senate Secretary Renato Bantug Jr., nga amo man ang clerk of court sang impeachment trial, ipaguwa sa Hunyo 29 ang pre-trial order nga nagalakip sang mga nadesisyunan sang duha ka kampo, lakip ang mga facts, mga testigo, kag schedule sang trial.
Ginapasiguro man sini nga magsugod ang impeachment trial sa Hulyo 6.
