Naghatag sang suhestiyon si Senator Panfilo “Ping” Lacson nga indi anay maghimo sang anuman nga tikang ang Senado sa impeachment batok kay Vice President Sara Duterte samtang may yara pa sang motion for reconsideration (MR) nga ginahulat ang desisyon halin sa Supreme Court (SC).
Suno kay Lacson, mas maayo nga maghulat ang Senado tubtob nga matapos ang proseso sang MR.
Ini nga pahayag ang ginpagguwa pagkatapos nga nagboto ang Senado nga i-archive ang articles of impeachment kasunod sang pagdeklara sang SC nga unconstitutional ang nasambit nga impeachment.
Dugang pa sini, respetuhon gid nila ang desisyon sang Korte Suprema kag indi sila maghimo sang anuman nga makalapas sini.
Ginpaathag man ni Lacson nga nag-abstain siya sa boto nga i-archive ang impeachment bilang pagpakita sang respeto sa Korte Suprema.
Ginpahayag man niya nga kun mabaliskad ang desisyon sang SC, handa sila ni Senate Minority Leader Vicente “Tito” Sotto III nga kuhaon liwat ang impeachment sa archives para ipadayun ang proseso.
Suno kay Lacson, ipahanumdom niya ang mga senador sa ila mga boto sa pag-archive sini para sa husto nga pagdesisyon sa palaabuton.
