Ginkuwestiyon ni Senator-judge Robin Padilla si House lead prosecutor Rep. Gerville Luistro kun makabig nga kabutigan ang pahayag sang isa ka tawo kun nagabag-o-bag-o ang iya nga pahayag.
Kaangot ini sa affidavit sang ginaalegar Davao Death Squad hitman nga si Arturo Lascañas nga ginmitlang sa impeachment trial laban kay Vice President Sara Duterte.
Suno kay Padilla, kaangay nga namantsahan sang kabutigan ang Senado bangud wala nagasalanto ang testimoniya ni Lascañas.
May kaangtanan ini sang pag-testify sadto ni Lascañas sa Senate probe sa alleged extrajudicial killings sa pungsod apang ginbawi niya ang iya testimoniya makaligad ang pila ka adlaw.
Wala naman ini direkta nga masabat ni Luistro kag ginhingyo nga kinahanglan niya nga magpaathag sang iya sabat.
Ginsuhestyon man ni Padilla nga likawan sang prosekusyon nga magpresentar sang mga testigo nga may ginapangatubang nga kaso nga perjury.
Ang gintumod ni Padilla amo sanday NBI senior agent John Mark Calilung kag Atty. Jeremy Lotoc.
Suno naman kay House lead prosecutor Rep. Gerville Luistro, wala sila sang testigo nga may kaso.
