Ginalauman nga pagabotohan sang Senado subong nga adlaw kung magatuman sila sa desisyon sang Korte Suprema nga nagbasura sang impeachment complaint batuk kay Vice President Sara Duterte.
May posibilidad ang mainit nga diskusyon sa tunga sang mga senador, labi na sa Duterte bloc nga sanday Senator Ronald “Bato” dela Rosa, Bong Go, kag Robin Padilla, nga ginapaabot nga magapamatuk sa oposisyon nga ginapangunahan nanday Senate Minority Leader Vicente “Tito” Sotto III, Risa Hontiveros, Kiko Pangilinan kag Bam Aquino.
Suno kay Senator Erwin Tulfo, nga amo ang chairman sang Senate Committee on Social Justice, handa siya nga pamatian ang duha ka panig antes magdesisyon.
Ginklaro naman sang mga senador nga kaupod sa Duterte bloc nga angay lang sundon sang Senado ang desisyon sang Korte Suprema bilang pinakamataas nga hukmanan sa pungsod.