Reunited na si Megastar Sharon Cuneta kay Senator Vicente “Tito” Sotto III, sa iya asawa nga si Helen Gamboa kag sa ila kabataan, kag naga-guwa subong nga nahitso na sang mag-pamilya ang isyu nga natuga sang pulitika.
Matandaan nga sang May 2022 elections, nagsumpunganay sa vice presidential race ang bana ni Sharon — si Senator Kiko Pangilinan — kag si Senator Sotto nga tiyo naman naman sang megastar.
Bisan una na nga ginpahayag ni Sotto nga wala man sang kaso ini para sa iya, gin-ako man sini nga “big deal” ini para sa ila nga pamilya bangud sa ila lain-lain nga perspektibo.
May pictures nga ginpakita ang Megastar nga ginakup-an sini sanday Sotto kag Helen.
Si Ciara, nga anak sang mag-asawa, ang nag-share man sang pictures sa ila pagkit-anay kag nagsiling, “Blessed are the peacemakers, for they will be called children of God.”
Matandaan nga sang Oktubre, una na nga nagpahayag si Sharon nga mabug-at para sa iya ang inagyan sang iya pamilya, iya ginlaragway nga “game called politics”, sang pareho nga nag-file sang certificate of candidacy ang iya bana kag tiyo sa kaangay lang nga posisyon.
Lunsay napierde ang duha ka outgoing senators sa amo nga vice-presidential race.
