ILOILO – Daku ang nangin paguswag sa sitwasyon sang trapiko sa Sen. Benigno Aquino Avenue sa Mandurriao, Iloilo matapos nga gintukod ang Traffic Discipline Zone.
Sa interview sang Bombo Radyo Mr. Jeck Conlu pinuno sang Public Safety Transportation and Mnagement Office (PSTMO) na-forward na sang iya nga opisina kay Iloilo City Mayor Jerry Trenas ang una nila nga report tuhoy sa Traffic Discipline Zone sa diin nakita nila ang pagbag o sa sitwasyon sang nasambit nga dalan.
Suno kay Conlu, makita man nga tuman ka damo na ang accomplishment sang opisina sa nasambit nga area kag naobserbahan man nga ang numero uno nga traffic violator amu ang mga commuter.
Nahibaluan nga base sa data sang PSTMO may yara sila sang masobra 1,600 ka mga apprehensions sa diin nagapanguna nga violations amo ang illegal parking, obstruction kag disregarding traffic
Samtang dugang sang natungdan, maga-umpisa naman sila sa pagpanakop kag pang ticket sa mga naga jaywalking sa nasambit nga area bangud naaprubahan na ang band sang ila nga opisina kag sa tion nga magpamalibad nga magbayad ang mga violators igatugyan na nila sa mga kapulisan ang pagpangdakop sa mga nagalapas sa nasambit nga pagsulundan.
