Patay ang Peruvian local league soccer player halin sa Familia Chocca team matapos na-igo sang kilat kadungan sang ila hampang sa Huancayo.
Suno sa Peruvian state news agency nga Andina, gin-suspend ang hampang bangud sa kilat.
Apang samtang nagapagwa na ang mga ini sa field, na-igo sang kilat ang player nga si Hugo de la Cruz Meza, 39.
Magluwas diri, napilasan man ang iban pa gid nga mga players.
Gilayon naman ang mga ini nga gindala sa malapit nga ospital sa diin isa ang kritikal bangud sa paso nga naangkon.
