Nasapwan nga wala na sang kabuhi kag nagakadunot na ang lawas sang isa ka 55-anyos nga iloy kag ginapatihan nga ginpatay sang kaugalingon nga anak sa Barangay Barra, Northern Poblacion Plaridel, Misamis Occidental.
Nadiskubre lamang ang krimen sang makapanimaho ang mga kaingod-balay sang malangsa kag malain nga baho halin sa balay sang biktima kag sang ila ini ginlantaw, didto nakita ang lawas sang biktima.
Sa imbestigasyon sang kapulisan, bag-o ang pagpatay sa biktima, nagpangayo pa sang pagkaon sa iloy ang 15-anyos nga suspek apang suno diri,wala siya ginhatagan sang iya iloy.
Bangud sa kaakig, ginsumbag sang anak ang iloy kag ginbunggo ang ulo sa salog tubtob nalipong.
Ginyudyod pa sang suspek ang iloy pasulod sa ila kwarto kag ginputos sang plastic ang ulo sini.
Nagsungka naman sa otoridad ang suspek kag gin-ako ang nahimo nga krimen.
