ILOILO CITY- Gin-ako sang Bureau of Fire Protection ang responsibilidad bilang ground commander sa ano man nga insidente nga involved ang public safety sa bilog nga syudad sang Iloilo.
Sa interview sang Bombo Radyo kay Fire Chief Superintendent Jerry Candido , regional director sang Bureau of Fire Protection Region 6, iya ginpahayag nga i- take over nila ang responsibilidad samtang gina- draft pa ang guidelines para sa standard operating procedure sang mga nagkalain- lain nga insidente.
Suno kay Candido, kun may yara sang iban nga responders nga maabot sa ginluntaran sang insidente antes makaabot ang mga katapo sang Bureau of Fire Protection, nagakadapat nga ang highest- ranking ukon senior officer sang mga responders ang magatindog bilang ground commander.
Paathag niya, kinahanglan gid ma- define ang responsibilidad sang isa ka ground commander kag kun ano ini ka-importante kun sa diin ginhalimbawa si ang natabo sa Baldoza, La Paz nga insidente nga wala sang ground commander sang ginpangsalakay sang isa ka water tanker truck ang mga baligyaan kag gin-arado ang mga tawo.
Nangin basehan man nila ang insidente sa pag- draft sang Standard Operation Procedure sa pag-handle sang kaangay nga sitwasyon kun sadiinkaupod nila ang City Disaster Risk Reduction and Management Office kag ang Public Safety and Transportation Management Office.
