Ginpalawig ni President Ferdinand “Bongbong” Marcos Jr. ang state of calamity sa pungsod bangud sa coronavirus pandemic.
Posible nga tatlo ka bulan ang extension suno kay Press Secretary Trixie Cruz Angeles.
Ginalauman nga makabulig ini sa vaccine indemnity compensation, emergency procurement, kag special risk allowance para sa healthcare workers.
Matandaan nga si anay President Rodrigo Duterte ang nag-deklarar sang state of calamity sang Marso 2020 kag natalana kuntani nga magtakop subong nga Septyembre.
Kun i-lift naman ini nga state of calamity, ma-invalidate ang emergency use authorization kag ang compassionate special permits nga gin-isyu sang Food and Drug Administration para sa COVID-19 vaccines kag treatment. ##
