Nadakpan na sang mga kapulisan sang Igbaras Municipal Police Station ang suspek sa naglabo-patay sa isa ka barangay tanod sa Brgy. Talayatay, Igbaras, Iloilo.
Ang biktima amo si Edwin Elumba Espada, 52-anyos, panday kag Barangay Tanod sangTalayatay, Igbaras.
Samtang, ang suspek naman amo si John Ray Barison, 27-anyos kag residente man sang amo nga barangay.
Sa interview sang Bombo Radyo kay Police Captain Francis Donne Lomahan, hepe sang Igbaras MPS, iya ginpahayag nga sa ila ginpatigayon nga hot pursuit operation, natigayon nga madakpan ang suspek sa Barangay Tigmarabo.
Suno kay Lomahan, nagapaligo pa ang suspek sa suba sang tion nga siya ang nadakpan.
Base sa panaysayon sang pamilya, naga-suprer sang mental disorder ang suspek.
Matandaan nga kahapon nga adlaw, samtang nagapamanday ang biktima sa balay sang ila pakaisa kag gulpihada lang nga nag abot ang suspek kag ginlabo ini sa ya liog nga gintunaan sang iya kamatayon.
Sa subong, ginaimbestigahan pa sang Igbaras MPS kung ano ang motibo sa pagpatay sa biktima samtang ginahulat ang desisyon sang pamilya kung magapasaka sang kaso.
Text by: Bombo Hanna Andasa
