ILOILO – Padayon pa ang hot pursuit operation agud madakpan ang suspek nga nagluthang-patay sa katapo sang Philippine Army Reserve Command sa Barangay Poblacion Ilaya, San Enrique, Iloilo.
Ang biktima amo si Lino Palomar, 29, residente sang Barangay Arac, Passi City.
Ang suspek naman amo si Rio Calanao, 41, kasado, chief tanod sang Barangay Poblacion Ilawod, San Enrique, Iloilo.
Sa interview sang Bombo Radyo kay Police Captain Johnny Oro, Officer-in-Charge sang San Enrique Municipal Police Station, iya ginpahayag nga natabo ang insidente kadungan sang fiesta sa banwa.
Suno kay Oro, nagapatukar sang mini box ang biktima kag naga-disco sa kilid sang karsada.
Naglabay naman ang suspek sang ginsaway ang biktima.
Diri kag nagbais ang mga ini tubtub nga ginluthang sang suspek ang biktima sa nalikod nga bahin sang iya ulo.
Gilayon naman nga nagpalagyo ang suspek dala ang wala mahibaluan nga kalibre sang armas.
