Naghingyo ang Syrian government sang assistance kag donations halin sa Pilipinas kasunod sang makamamatay nga linog sa Syria kag Turkey sang nagliligad nga semana.
Ginpahayag sang Syrian Arab Republic Embassy nga mahimo mapalab-ot ang donations sa Philippine Red Cross nga amo ang maga-serbe nga collection site.
Kabahin ini sang pag-palapit sang pungsod sa local charitable foundations kag non-government organizations agud nga makatipon sang mga bulong, habol, winter clothes, kag tents.
Matandaan nga Pebrero 6 sang nag-igu ang 7.8 magnitude nga linog samtang Pebrero 20 naman sang ginpasagunsunan sang 6.4 magnitude.
Masobra 50,000 na ang nagkalamatay sa duha ka pungsod halin sang adlaw sang pagtay-og. ##
