Tatlo ka lalaki nga ginapahayag nag abduct sa miyembro sang LGBT nga ginbuybust sa Arevalo, ginsigurado nga wala nakuhaan sang CCTV ang krimen

ILOILO – Ginbalikan pa sang tatlo ka lalaki ang lugar sa diin nila ginpulot kag ginpilit pasulod sa salakyan ang isa ka lalaki nga gin buy bust sa Arevalo, Iloilo City.

Ang biktima ginkilala nga si Anthony William Landicho sang Nueva Valencia, Guimaras.

Sa interview sang Bombo Radyo kay Alyas Ben, iya ginpahayag nga nakita niya mismo ang tatlo ka lalaki nga nagbalik sa lugar nga nagbakal pa sang fish ball antes nila gintsekyar kun may yara sang Closed Circuit Television sa bahin sa diin nila ginkuha si Landicho.

Suno kay Alyas Ben, matapos ang tunga ka oras nga pagtsekyar sa lugar agud siguraduhon nga wala sang CCTV liwat nga nagsakay ang tatlo ka lalaki sa puti nga salakyan.

Madumduman nga matapos ang ginapahayag pag abduct kay Landicho, nadakpan ini paagi sa ginapatigayon nga drug buy bust operation sa Arevalo, Iloilo City.