ILOILO – Ang paghatag sang technical-vocational training sa mga outh of school youth ang ginatutukan sang Iloilo Children Welfare Foundation Inc.
Sa Good Morning Philippines Program, ginpahayag ni Wendy Ivy Baclas, project officer sang Technocal-Vocational Education and Training sang Iloilo Children Welfare Foundation Inc., nga sa subong, ang pagpasangkad sang school-based program ang ila nga ginatutukan.
Suno kay Baclas, sa nasambit nga programa, ila nga ginapakig-angutan ang mga eskwelahan nga nagatanyag sang technical-vocational course kag sa selection process, ini ang nagadepende sa luyag sang benepisyaryo.
Ginpahayag ni Baclas nga kalabanan sa mga out of school youth ang may hilig sa beauty care skills training.
May kaangtanan diri, wala nangin mahapos ang pagpatuman sang nasambit nga programa bangud nga nagakinahanglan ini sang pagpanalawsaw.
Ang importante suno sa natungdan amo nga hibaluon ang huyog sang mga benepisyaryo agud nga wala sang usik sa tion kag kabudlay.
Sang nagligad lang nga bulan sang nag-umpisa sa training may kaangtanan sa beauty care ang 10 ka benepisyaryo kag ang ila natun-an ang ila man nga ginagamit bilang palangabuhi-an.
Pagkatapos sang training, ang iban sa mga out of school youth ang luyag nga maka-angkon sang trabaho samtang may iban naman nga handum ang pagbalik sa formal schooling.
