Ginpalawig pa ang lockdown sa New Delhi, ang capital sang India nga may 20 million ka mga tawo, bangud sang asud-asud nga record-high infections kag nagatimbuok nga numero sang mga patay bangud sang COVID-19. G
in-anunsyo man sang otoridad ang kabudlay sang healthcare system bangud sang malala nga kakulangan sang oxygen kag bulong para sa mga infected nga pasyente.
Sang nagligad nga 24 ka oras, ang bug-os nga pungsod sang India ang naka-record sang 349,691 fresh cases sang COVID-19 kag 2,767 ka mga patay– pinakamataas nga numero halin sang naglupok ang pandemya sa amo nga pungsod. Santo sa reports, gutok na pati ang mga patyo bangud sang spike sa death toll.
“We have decided to extend the lockdown by one week … The havoc of corona[virus] continues and there is no respite. Everyone is in favor of extending the lockdown,” suno kay Delhi Chief Minister Arvind Kejriwal.
Sang Lunes sang ginpatuman ang lockdown sa syudad sang New Delhi kag gindesisyunan nga palawigon sang isa pa ka semana. “The havoc of corona(virus) continues and there is no respite. Everyone is in favor of extending the lockdown.”
Suno kay Prime Minister Narendra Modi, daw kaangay nga bagyo na ang nagalaslas sa ila nga pungsod; suno naman sa New Delhi court, indi na wave kundi tsunami ang pandemic situation sa ila nga lugar.
“Our spirits were high after successfully dealing with the first wave. But this storm has shaken the nation,” pahayag ni Modi.Sa nagligad nga pito ka adlaw, masobra na sa duha ka milyon ka bag-o nga kaso ang narekord sa India, 58 porsyento nga mas mataas ipanggid sang nagligad nga semana.
Sa kabug-usan, ang India ang may 17,176,728 na ka mga kumpirmado nga kaso halin sang nag-umpisa ang pandemya — ikaduha sa pinakamataas sa bug-os nga kalibutan, sunod sa Estados Unidos nga may 32,792,018. #
