Nagtimbuok pa ang turismo sa Big Island ukon opisyal nga ginakilala nga Hawaii kasunod sang paglupok sang Mauna Loa, ang ginakabig nga largest active volcano sa kalibutan.
Ginapahayag linibo ka mga tawo ang nagbisita sa syudad sang Hilo agud nga makit-an lamang ang bulkan nga naglupok sang Domingo sa labing-una nga tion sa sulod sang 38 ka tuig.
Fully-booked ang hotels sa Hilo apisar pa nga sa normal nga tinion, pigado kuntani ini nga period para sa travel industry sa Hawaii, ang period nga nabutang sa tunga-tunga sang Thanksgiving kag Christmas holidays.
Mataas man ang demand sa helicopter tours sa Mauna Loa bangud sang mga turista kag journalists.
Lakip sa ginatumod rason sang pagdugok sang mga turista amo ang bright orange molten rock gush halin sa Mauna Loa, ang shield volcano nga nagakahulugan “Long Mountain” sa Hawaiian.
Tuman ka tahom ang glow sang eruption kag amo sini ang ginatudlo ginalagas sang mga turista bangud sarang ini makit-an bisan sa mga malayo nga hotels.
Nahibaluan nga may threat man ang volcanic flows sa main artery apang kinilometros pa ang kalayuon sa subong kag indi pa makabig nga delikado sa mga komunidad malapit sa bulkan.
Kun balikan ang maragtas, 33 ka beses na nga nakalupok ang Mauna Loa halin sang 1843.
Ang katapusan sini nga eruption ang natabo sang 1984.
Naglawig ang eruption sa sulod sang 22 ka adlaw kag nag-ilig ang lava nga nakalab-ot sa pito ka kilometros nga sakop sang syudad sang Hilo kun sa diin may ginabanta 44,000 ka mga tawo nga nagatinir.
