ILOILO CITY – Nagpanawagan si Iloilo City Mayor Jerry Treñas sa tanan nga mga opisyal sa kabaranggayan sa syudad nga ipaiway anay ang politika kag himuon nga prayoridad ang pagpasigurado sang paghatag sang kinahanglanon sang mga pumuluyo ilabi na ang pagkaon.
Sa Facebook page ni Mayor Treñas, iya ginpahayag nga bilang alkalde, ginahimo niya ang tanan agud nga matapna ang local transmission sang coronavirus disease 2019 (COVID-19) nga subong may daku na nga epekto sa pangabuhi sang tagsa-tagsa.
May kaangtanan diri, ginpahayag ni Treñas nga masarangan man ini mahimo sang tanan — ang pag-una sang ‘humanity’ nga ginakabig mas daku ipaanggid sa politika.
Yari ang kabahin sang mensahe ni Treñas:
“Magbinuligay kita kag atipanon ta ang isa’t isa. Sang nag daog ako guin-hambal ko guid sang nag sumpa ako – ‘I am no longer the mayor of those who have voted for me, but now the mayor of those who did not vote for me. While I find it very difficult and challenging, I promise to continuously strive hard to be everyone’s mayor.’ And I am really keeping my promise. That is why right now I am doing my best to stop the chain of local transmission of COVID-19 and also at the same time to make sure that every Ilonggo will have food on their tables. Now is not the right time to think about politics we have to be bigger than that, now is the time to think about humanity because as Ilonggos we only have each other.”
