Magasugod na ang full blown trial sang kaso ni former President Rodrigo Duterte sa International Criminal Court sa Nobyembre 30, 2026.
Suno kay Paolina Massidda sang Office of Public Counsel for Victims, naga-kaangay lamang ang timeline sa petsa nga ginpanugyan sang Office of the Prosecutor, nga ginasuportahan man sang mga biktima sang war on drugs.
Samtang, nagpahayag ang depensa ni Duterte nga gusto nila anay nga siguraduhon nga “fit to stand trial” ang anay Presidente.
Sa pihak nga bahin, gusto naman sang ICC registry nga suguran ang trial sa Enero 2027.
Suno kay Massidda, para sa mga biktima, tuman ka kalawig ang Enero nga schedule para sa amo nga trial.
Pagahiwaton naman ang masunod nga status conference sini nga Hunyo 23 kag Hulyo 14.
