Ginkumpirmar ni US President Donald Trump na magapatigayon siya sang “phone call” agud pauntaton ang gyera sa tunga sang Thailand kag Cambodia.
Ini matapos nga nagdangat na sa tatlo ka adlaw ang gyera sang duha ka pungsod.
Sandig sa report, siyam na ka sibilyan ang napatay sa Cambodia samtang apat naman ka suldado ang ginbawian sang kabuhi sa Thailand.
Matandaan nga si Trump ang nagbulig agud umpisahan ang ceasefire sang Hulyo matapos ang lima ka adlaw nga gyera sang mga nasambit nga mga pungsod.
Suno sa foreign minister sang Thailand, wala pa ini sang may Nakita nga opurtunidad para sa negosasyon may kaangtanan sa away sa border.
Sa bihak nga bahin, ginsiling man sang isa ka mataas nga opisyal sang Cambodia nga preparado sila makig-estorya bisan ano oras.
Sa isa ka campaign rally sa Pennsylvania, ginmitlang ni Trump ang pila ka mga gyera nga suno sa iya nabuligan na niya mapauntat, lakip ang Pakistan kag India, Israel kag Iran.
