Nagpaandam si US President Donald Trump nga magabayad ang pungsod Iran matapos ang pila liwat ka serye sang pag-atake sini.
Nahibaluan nga nag-init ang tensyon sang naglunsyar ang Iran sang mga missile kag drone attacks batok sa mga base military sang Estados Unidos sa Jordan, Kuwait, kag Bahrain.
Suno sa Iran, ini nga mga pagpang-atake amo ang ila balos sa mga military operatin sang U.S. sa mga target nga militar sang Iran malapit sa Strait of Hormuz.
Nagpahayag naman ang militar sang Estados Unidos nga ang ila mga pag-atake amo ang sabat sa pag-igo sang Iran sa isa ka Apache helicopter sang Amerika.
Gin-akusaran ni Trump ang Iran nga ginapadugay pa sini ang negosasyon para sa isa ka kasugtanan kag nagpaandam man ini sa posible pa nga paglunsyar sang U.S. sang dugang nga mga pag-atake sa mga planta sang kuryente kag mga taytay sang Iran kun indi pa mangin maayo ang pag-istoryahanay sang mga ini.
Nahibaluan nga nakaapekto man ini sa international economic growth nga nagaresulta sa pagsaka sang presyo sang gatong kag pagnubo sang pila ka stock markets.
Padayon nga ginadiskusyunan sang duha ang mga isyu kaangay sang nuclear program sang Iran, pag-untat sang mga sanctions, pagpagwa sang pondo sang Iran, kag ang kontrol sa Strait of Hormuz.
