ILOILO CITY- Posible nga sa ikatatlo nga semana sang Enero 2023 pa mabuksan ang kontrobersyal nga Ungka Flyover.
Sa interview sang Bombo Radyo kay Iloilo 2nd District Representative Michael Gorriceta, iya ginpahayag nga ini ang nangin inisyal nga statement ni Department of Public Works and Highways Secretary Manny Bunuan sa ila pagsinapol kaupod si Iloilo City Lone District Representative Julienne Baronda kag iban nga opisyal sang ahensya nga sanday Department of Public Works and Highways Region 6 Director Nerie D. Bueno kag Undersecretary Cathy Cabral.
Suno kay Rep. Gorriceta, ginpahayag Bunuan nga indi niya luyag nga mangin padalianay ang pagbukas sang flyover bangud indi sini gusto nga isakripisyo ang safety sang mga motorista.
Dugang sang mamalidha, sa amo man nga pagsinapol, ginsiling sang tiglikom nga ginahulat pa niya ang pagpakigsapol man sa pila ka technical nga tawo nga amo ang nagacheck sang sitwasyon sang flyover kag kun ano man ang findings, diri na kag magahatag sang iya rekomendasyon ang tiglikom.
May kaangtanan naman sa ginbutang nga arko sa approach sang Ungka Flyover,ginpahayag ni Gorriceta nga base sa iya pagpakigsugilanon kay Department of Public Works and Highways Region 6 Director Nerie D. Bueno, katuyuan sini nga indi makaagi ang mga truck sa tion nga may patigayunon nga test load sa flyover.
