Liwat nga ginhatagan ni President Donald Trump ang Iran sang 48 ka oras nga ultimatum agud nga magsugot sa kasugtanan nga ila ginatanyag kag nagpaandm nga magapangatubang ang Iran sang nagakaigo nga penalidad kun padayon ini nga magpamalibad.
Ini nga statement ni Trump ang iya ginbuy-an kadungan sang search and rescue operation sang US forces sa isa ka American pilot nga nagtibusok sa Iran.
Nahibaluan nga na-down ang isa ka F-15 kag A-10 nga eroplano sang US, kun sa diin natigayun nga maluwas ang isa sa mga piloto sini samtang ang isa ang padayon nga missing.
Nagapadayon ang pagpangita sa amo nga pilota kaupod ang lokal nga pwersa kag tribo kun sa diin may impormasyon halin sa US forces nga ginpaulanan sang bala sang mga Iranian police ang US helicopter nga nagrescue sa piloto.
Isa naman ka strike malapit sa Bushehr nuclear plant ang gintunaan sang kamatayun sang isa ka guwardiya kag nagtuga sang evacuation sang 198 Russian workers.
Nagpaandam naman ang Iran nga posible makaangkun sang radioactive fallout sa rehiyon kun magpadayon ang pagpang-atake sa amo nga planta.
