Nagasalig ang Malacañang nga mangin maayo kag magatutok lamang sa kamatuoran sa masunod nga semana ang impeachment trial ni Vice President Sara Duterte, ilabi na sa hearing sang confidential funds.
Sa interview sang Bombo Radyo kay Palace Press Officer Undersecretary Claire Castro, iya ginpahayag nga nagapangabay sya nga wala na sang drama, wala sang pagtago sang kamatuoran, kag wala man sang paglikaw sa isyu sa tunga sang hearing.
Suno sa iya, luyag lang sang publiko nga matukiban sa pagtakop sang trial ang kamatuoran, sa baylo sang mga isyu ukon drama nga magalikaw sa isyu.
Madumduman nga nagpalab-ot sang kahangawa ang pila ka mga senator-judge sa ika-anum nga adlaw sang impeachment trial matapos nga nagpahayag si National Bureau of Investigation Director Melvin Matibag nga imbestigaran nila ang ginakabig anomalya sa 2019 Southeast Asian (SEA) Games kun sa diin Philippine Southeast Asian Games Organizing Committee ang nagpanguna sa idalom ni Senator Alan Peter Cayetano.
