ILOILO CITY–Ginpasigurado sang Vallacar transit nga padayun ang byahe sang ceres bus sa bwas , Sabado tubtob dominggo .
Sa interview sang Bombo Radyo kay Moises Flores, admin manager sang Vallacar transit, iya ginpahayag nga magapadayun ang ila byahe agud macater kag madul-ong ang mga pasahero sa ila destinasyon.
Suno kay Flores madasig man ang paggwa sang ila mga units bangud sa madamo nga pasahero.
Nagalaum man sila nga mas magdamo pa gid ang mga pasahero nga magapauli sa ila tagsa-tagsa ka mga lugar.
Wala naman sang dapat nga kabalak-an ang mga pasahero suno kay Flores bangud padayun sa gihapon ang byahe sang mga ceres bus.
Gindugang pa ni Flores nga wala man sila sang may gindugang nga mga units sang bus bangud madasig lang man ang paggwa sang ila mga units.
Ginpasigurado man niya nga safe ang tanan nila nga units bangud napaidalom na ang mga ini sa inspeksyon.
