ILOILO CITY- Ginpabugal ni Vice Mayor Jeffrey Ganzon nga nangin mabinungahon ang resulta sang ila pagpadulong sa Pampanga para sa benchmarking sang investment kag policy development practices.
Kaupod ni Ganzon nga nagpadulong sa Pampanga ang tanan nga mga konsehal sang syudad.
Sa interview sang Bombo Radyo kay Vice Mayor Ganzon, iya ginpahayag nga pila sa ila nagkuha sang ila atensyon amo ang pagpain sang dako nga budget para sa medical assistance sa mga pumuluyo.
Suno kay Ganzon, nangayo na ini sang kopya sang amo nga legislation nga nagahatag sang dako nga medical assistance agud matun-an kun applicable kag kun masarangan ini sa syudad sang Iloilo.
Nanindugan naman ang bise-alkalde nga ang ila pagpadulong sa Pampanga ang indi lagaw-lagaw lang kundi pagpasangkad sang ihibalo agud mas mangin maayo nga mga lideres.
