Ginkumpirma sang Malacañang nga nagpangabay si Vice President Sara Duterte sa Office of the President para maka-biyahe ini sa lima ka pungsod halin subong nga adlaw Abril 23 tubtob Mayo 15.
Suno kay Executive Secretary Ralph Recto, nagpangabay ang Bise Presidente sang travel authority agud makabisita sa Netherlands, South Korea, Belgium, Germany, kag United Kingdom.
Ginkumpirma man ni Recto nga nagpagwa ang Office of the President sang mga dokumento nga may petsa Abril 22 nga naga-apruba sang request ni Duterte.
Base sa dokumento, ang biyahe ginpahanugutan samtang sa leave of absence ini kag wala sang gastuson nga kwarta halin sa gobyerno.
Sa subong, wala pa ginapagwa sang Malacañang ang kopya sang dokumento.
