Ginpasalig ni President Ferdinand Marcos, Jr. nga wala sang Pilipino nga magutman sa idalom sang “Bagong Pilipinas”.
Kadungan ini sa ceremonial palay harvesting sa Barangay Mandili sa Candaba, Pampanga kun sa diin nanagtag man ang presidente sang nagkalain-lain nga assistance kaangay sang hauling trucks, seeds, kag financial assistance sa masobra 12,000 ka mga mangungum kag 10 ka farmers’ cooperatives and associations.
Sa iya nga speech, naghingyo man si Marcos sa publiko nga magkooperar bangud amo ini ang magadala sa Pilipinas sa banas nga mas maayo kun sa diin wala sang Pilipino nga malimtan ukon mabilin.
“Ang ating pagtutulungan na mapaunlad ang ating sektor ng agrikultura ay isa lamang sa mga pangunahing hakbang tungo sa pagbuo ng isang Bagong Pilipinas— kung saan walang nagugutom,” pahayag sini.
Agud malab-ot ang handum sini sa maayo nga ani, nagpasalig man si Marcos sang bulig sa mga mangunguma kaangay sang paghatag sa ila sang de-kalidad nga binhi.
Diri man nga programa gindayaw ni Marcos ang mga Filipino farmers bangud sa ila nga kapisan nga rason kun ngaa nakapagkit ang Pilipinas sang record-high production volume nga 20.06 million metric tons nga humay sang 2023 nga 1.5% nga mas mataas ipaanggid sa 19.76 million MT nga napagkit naman sang 2022.
Sa amo nga event sa Pampanga, kaupod ni Marcos sanday Agriculture Secretary Francisco Tiu Laurel Jr., Assistant Secretary Arnel De Mesa, Pampanga Rep. Anna York Bondoc kag iban pa nga local officials.#
(Bongbong Marcos/FB)
