Nagbaskog pa gid kag nahimo na nga tropical storm ang isa ka weather disturbance sa gwa sang Philippine Area of Responsibility.
Alas-10 kagab-i, ang bagyo makita sa kalayuon nga mga 1,675 kilometro sa sidlangan sang Southeastern Luzon kag nagahulag pa-western-northwest sa kadasigon nga 25 kilometro kada oras.
Dala sini ang kabaskugon sang hangin nga 65 km/h kag pagmadlos nga tubtub sa 80 km/h.
Suno sa PAGASA, tawgon ini nga “Francisco” kon makasulod na sa PAR, nga ginapaabot subong nga Sabado tubtob Domingo sang aga.
Ginpahayag man sang ahensya nga manubo ang posibilidad sang pag-landfall sini subong.
Apang posible pa nga ipataas ang Tropical Cyclone Wind Signal No. 1 sa aminhan kag sidlangan nga bahin sang Northern Luzon.
